Troffe hän mir uns am Sunntig morge am nüni bim Leymezoll. Es sin alli rächtzitig do gsi und so sin mir alli hinter em Pierino noche in Richtig "Waggsiland" ufbroche.

S Wätter isch natürlig ideal gsi (blaue Himmel und ca. 24°) Ideal um's s am Weiher de ganzi Taag chönne ushalte.

De Pierrino het de Apéro vo do de Danielle uftischt und jede het sich no zerscht chönne schterke. De Danielle dangge mir ganz härzlig für dä Apéro. Es isch usgezäichnet gsi!

Alli hän aschliessend e Angelruete biko und denn het jede D'Spezi versuecht mit e me Brötli am Angelhoge e Barsch z überlischte.

S Fangglück isch erscht noch em Mittagässe cho, aber denn het jede D'Spezi Giftschnägg - unter Mithilf vom Pierino - e tolle Barsch an Land dörfe zie. Bim Benji hän no anderi Bewohner us em Täich verbi gluegt. Viel het är aber nit gwüsst demit azfo und so sin die Chräbs wieder im Weiher verschwunde.

E "tolle Hecht" het e Barsch gfange.............

Es isch e ganz e tolle Sunntig gsi wo mir bim Pierino beschtens verdangge.

Fachberächt het de Pierino die Barsche filetiert oder zum fritiere parat gmacht und jede vo de D'Spezi het si Barsch dörf häi nä.

Bi Kaffi und Kuchen hän mir dä tolli Sunntig usklinge lo. De FC Basel het gege Thun au 2:1 gwunne und so hän mir alli bi beschter Lune de Häiwääg dörfe unter d Räder nä.

Pierino, mir chöme gärn wieder emol verbi.