S Joor 2014 isch verbi und unseri Binggis sind für d Fasnacht scho fascht parat.

Jedefalls sind si de Wägeler ganz wyt vorus. Bi dene wird mit em Wagebau erscht am Samschtig, 10 Januar gschtartet.

d'Spezi Binggis an de Arbet.

Ischtige bitte, unsere Wage isch parat.

D Wägeler hän mit em Wagebau am 10. Januar am neue Schtandort in Arleshäim agfange. Demontage vom alte Sujet und Inschtandschtelligs-Arbäite sin im Vordergrund gschtande.

Früehlingsfafti Temperature von 17,5 Grad hän mir a unserem erschte Wagebau 2015 chönne gniesse. Äifach traumhaft!

De Patric het e Grill mit allem Drum und Dra mitbrocht, De Benji öbbis für druf z lege und de Urs het sich als Koch betätigt. Gschmeggt hets und d Pause hän au alli verdient gha. De Presi isch natürlig grad zur rächte Zyt cho inelueg.

Mir hän nit usegfunde wo är sy Webcam inschtalliert het um immer uf em laufende z sy.

Früsch gschtärkt isch es witter gange mit Sanierigsarbäite.

Benji wo isch s Problem bi däm Tacker?

E prächtige und schöne Wagebautag isch z Änd gange. Allne wo do gsi sind hets Spass gmacht.

De zwäit Wagebau hän mir nume zu viert duregfüehrt. S Wätter isch nüm so guet gsi wie s erscht mol aber mir häns trotzdäm guet gha zäme.

Unser Wagebauchef het e helli Freud a de Plakat wo de Reto entworfe het.

De Wäg uf de Wage isch dank em Benji sim Isatz für die nögscht Fasnacht gsicheret. E diplomierte Debbigleger häts nit besser chönne.