Unser Organisator vom Bummel 2016 - de Benji - het uns uf di nüni zum Badische Bahnhof bschtellt. Vo do us sin mir im Zug nach Köln gfahre, wo mir das Joor unsere Bummel verbrocht hän.

De Wätterbricht het nume s Beschte für unsere Bummel akündet. Das isch e Lääbe.

Bi dere Gschwinddigkäit schtöhn d Auto näbedra uf de Autobahn.

In Köln ako het sich unser Räisliorganisator Benji zerscht müesse orientiere. Wo isch was und wo isch denn bitte unser Hotel?

Noch em erschte Kölsch het är d Orientierig gfunde und mir hän uns uf e Wäg in unser Hotel gmacht.

Noch em Zimmerbezug het me sich vor em Hotel troffe und ab isch es ans Bierfescht gange.

Jo Horscht, ich ha di au gärn!

Noch em Idringge isch es ab in d Altstadt abe an Rhy.

S Nachtässe hän mir öbbe gfühlti 20 Meter näbedra igno.

Überall in de Schtadt hets Kölsch gä und die letschte Nachtwandler sige am Morge am 5i ins Hotel zrugg cho.....

Für die wo's gschafft hän isch's am nögschte Morge am 11i losgange. Me isch wieder in d Altschtadt gange.

Wo mir uns am Nomitag mit em Christian - em Brueder vom Cello und e Fred em Schwoger vom Christian bim Bahnhof troffe hän, sind plötzlig wieder alli awäsend gsi.

D Erholigszyt isch ebe nit für alli glich lang....

Kölsche Humor unterwägs vo äinere Brauerei zur negschte Brauerei.

Brauerei-Bsuech het sich an Brauerei-Bsuech gräiht. S Wätter isch für Kölsch au optimal gsi.

Em Fred und em Christian dangge mir für d Brauerei-Füehrig. Es isch e füecht-fröhlich Sach gsi. Ohni Nachtässe zwüschedure hätte mir das alles nid gschafft.

Wie immer gilt: Noch em Bummel isch vor em Bummel und wär nit derbi gsi isch, isch sälber schuld.