d'spezi
 Home | Sponsoren | Sitemap | Impressum | Links Seite drucken
  -> Anlässe / Fischen mit der ganzen Familie 2012

Am Sunntig, 19. Auguscht isch bi beschtem Wätter (nume blaue Himmel) und  bi Temperature bis 34° de zwäiti Fischer-Usflug ins Elsass zum Täich vom "Pierino" agschtande.

Alli sin püngtlig am Träffpunkt gsi, so dass mir de Afartswäg vo ca. 35 Minute hän chönne aträtte. Uf de verschlungenschte Wäg sin mir gfahre. Käi Ahnig, ob eine vo uns de Wäg ohni Pierino wieder wurdi finde.

Es het sogar de äint onder ander unter uns gha, wo froh gsi isch, dass e Kolleg uf em Häiwäg vorus gefahr isch, oder wo - alternativ - es Navigationssystem i sim Wage het chönne ischalte.

Noch em Apéro hat jede D'Spezi Giftschnägg si Ruete gfasst und sich am Weiher si Plätzli gsuecht und installiert.

S Afangsgeplapper vo uns het d Fisch offesichtlig verschücht. Bis uf e "Zuefallsfang" vom Roman het keine vo uns öbbis gfange.

Wenn die gfangene Fisch zum Mittagässe grilliert worde wäre, hätte mir alli müesse hungere.

Do de Pierino aber Fleisch und Würscht organisiert het, het s Mittagässe wie plant chönne stattfinde.

Mit viel Optimismus und Elan sind alli D'Spezi wieder an d Arbeit gange. E paar hän in "Rudelbildig" und entsprächende "Näbegrüsch" versuecht e Fisch an d Angle z biko.

Alli Liebesmüh het nüt gnützt und mir sind alli am Änd vom "Fischerlatin" gsi.

De Horst mit e me ganz chline Erfolgserläbnis.

Kaffe und Kuchen isch dorum für alli grad rächt ko. De Patric (mit c und nit ck, gäll Präsi) und si Schatz d Chantal hän sogar e richtige D'Spezi Giftschnägge 2000-Chueche mitbrocht.

 

Dangschön für alli wo für Speis und Trank und d Organisation biträit hän.

und wieder hän sich alli bim Fische versuecht..........

Und wäreli wär het am Schluss doch no e Prachtsexemplar usezoge und für uns alli de Tag grettet, so dass mir mit e me guete Gwüsse, müed aber relaxed uns hän chönne uf e Häiwag mache?

Natürlig eini vo unsere Fraue........ do soll no äine sage, ihr Fraue wellet nit überall besser si als mir Männer.

 

Aber mir trage s mit Fassig. S näggscht mol sin denn mir dra und d Hoffnig stirbt am Schluss.

WEB-Design COMASYS Mittwoch, 27. März 24 / Copyright © d'Spezi, alle Rechte vorbehalten

Valid XHTML 1.0 Transitional