d'spezi
 Home | Sponsoren | Sitemap | Impressum | Links Seite drucken
  -> Galerie / Fasnacht 2009

Zum Uftaggt hän d Gaschtro-Nome für uns und d Bierschnägge ufgschpielt. E ganz e tolli Geste wo mir an däre Schtell ganz härzlig dien verdangge.

S schwarze Loch unser Fasnachts-Sujet dä Täilchenbeschleuniger vom Cern het uns das Johr in der Vorfasnacht beschäftigt. In Gänf hän die aber sicher me Problem, als mir bim Waagebaue gha hän.

D Bierschnägge hän au das Johr mit uns d Waagevernissage durezoge. Si hän als Fasnachts-Sujet d Wirtschaftskriese und d UBS usgspielt. E Superwaage hän si zämmezimmeret.

Me gseht, si sin käi Afänger me, sondern scho gschtandeni Fasnächtler. Mir häns guet gha mit euch und wenn ihr wänd, so dörfet ihr au s nägscht Johr wieder zäme mit uns euri Vernissage durefiere.

Öbbis ganz bsunders hän sich d Bierschnägge usdänggt.

Als Danggschön dass si mit uns zäme d Vernissage dörfe durefiere, hän alli es Fasnachtsfraueli mit eme "Brötli" als Gsicht, "Polizischte" als Bäi, Tonic und e me Gyn als Unterlib unterlegt biko.

Merci viel mol! E ganz originelli Idee. Si isch bi uns beschtens acho...Smiley

Me het sich denn in Velokäller an d Wärmi zruggzoge. Es het e ganz e huffe Lyt gha und mir danke alle wo uns bsuecht und irgendwie unterschtützt hän. Beschte Dangg!

Zwäi chläini Hälfer unterwägs für D'Spezi Giftschnägge. Merci viel mol.

Denn isch d Waagevernissage ume gsi und unser Taag het agfange. Es het grägnet was es het möge bim Waage lade.

 

De Apéro und s Mittagässe hets traditionell bim Alisi im Partychäller gä.

D Erika und d Ruth hän em gholfe. Es het gnueg gha, so dass es bis noch em Umzug anegha het. Merci viel mol.

De Petrus het püngtlig zum Umzug e Ise gha und d Wasserschleuse gschlosse, so dass mir e trockene Umzug hän erläbe dörfe.

S Nachtässe hets denn im Rössli gä und unser "Gaschts-D'Sepzi Giftschnägg" het d Bäiz eläi unterhalte. Bisch in Hochform gsi Suchi!!! Smiley

Am Mäntig-Nomitag het me sich im Rössli troffe und de Roli het jedem vo uns e Rundi offeriert. Das isch immer e nätti Geste, wo mir schätze. Merci viel mol.

Aschliessend isch uf em Ysweiher d Waagevernissage abghalte worde. Offesichtlig findet dä Alass nume bi schtrömendem Räge statt...Smiley

 

Mir hän drum grad vo Afang a de Barwage vom Boris in Beschlag gno und bis zum Nachtässe bi de Sylvia nümme frei gä. D Chaote hän bim gröschte Schiff s Beschte gä und die äint oder anderi Oberwiler-Prominänz wo wasserfescht isch, het sich au uf em Ysweiher igfunde.

Am Umzug und natürlig au an de Waageusschtellig hän d Lölischnägge zäigt wie me au no Fasnacht mache ka......... S isch aber nur für abghärteti Männer.

Noch em feine Nachtässe wo mir de Sylvia und de Sabine härzlichscht verdangge, isch e Schlofabteilig ufgmacht worde. René, sin das do d Schlof-Schnägge?

De Boris, kurz vor em Löffel abgä. (Wenn är schloft, isch är de Friedligscht...)

Ab uf d'Gass isch denn s Thema gsi und so sin mir de Bärg durab ins Dorf.

De Zyschtigobe hän mir bim Cello i de Schiggi iglüte. S Motto hinter de Bar het wie folgt glutet: Bäuerin sucht Bauer...........

Im Ambienete hän mir bim Nachtässe d Schnizelbänggler zueglost. De Uftakt het de Pröper gmacht. "De wirsch vo Johr zu Johr besser"!

Wenn d'Basler ihri Fasnacht hinter sich hän, goht's in Binnige erscht richtig los. Mir hän de Waage glade und uns zum Mittagässe mit em Waage de Hang duruf zum Roman und de Sylvia verschobe. Es het alles beschtens klappt und mir hän uns rächtzytig uf e Wäg gmacht.

S Nachtässe hän mir bi de Susanne und em Boris im Highspeed biko.

Unser Nochwuchs het im Hinterrum gnueg Platz gha, um sich ustobe z chöne.

Guet ische es gsi und für da Prys chasch i käinere Bäiz ässe. Merci viel mol fürs Sponsoring! Smiley Smiley

WEB-Design COMASYS Donnerstag, 28. März 24 / Copyright © d'Spezi, alle Rechte vorbehalten

Valid XHTML 1.0 Transitional