Mir hän uns am 14. Januar zum erschte Waagebau troffe. Unser Wagebauchef de Horscht het sini Vorschtellige an Maa brocht uf sine Plän alles visualisiert und fascht Jede het aschliessend gwüsst was und wo dass är azpacke het, d.h. Äine vo uns het no gar nicht gmerkt, dass de Wagebau 2012 beräits agfange het.

Übrigens Adrian mir baue im Velochäller vom Hüslimattschuelhuus in Oberwil...... 

Es goht langsam aber sicher vorwärts, bald isch Waagevernsissage und denn gohts ändlig loos mit de Fasnacht.

S Sujet wird langsam aber sicher erkennbar. Wärs wäis solls für sich bhalte und die Andere dörfe witer studiere.

D'Zoggeli sind gschprüzt!

De Reto und de Benij hän scho versucht z telefoniere, mit der Verbindig hets aber noni klappt. Si händ no Zyt, no hohts 2 Wuche bis zur Fasnacht.

S Abringe vo de Sujet ghört zu de letzschte Ufgobe vom Wagebau.